1 | |
HStAOrient5a: 5r daḫı s̱umme ve s̱umme ʿalā t‑tertīb birbirin taʿqīb ėtmişdür. // Ammā cümleden maqṣūd maʿrifet‑i ẕāt‑i maʿbūddur Qāla // llāhu taʿālā al-āya wa‑mā ḫalaqtu l‑ǧinna wa‑l‑insa illā li‑yaʿbudūni // ay li‑yaʿrifūn. Ve maʿrūfdur ki şeref‑i ʿilm şeref‑i maʿlūm ḥasebi // iledür ve delāʾil‑i tevḥīd ve berāhīn‑i maʿrifet ṣamṣām‑i // ḫūn‑rīz‑i ehl‑i żalāl ü bidʿatdür Qāla llāhu taʿālā bal naqḏifu // bi l‑ḥaqqi ʿalā l‑bāṭili fa‑yadmaġuhū fa‑iḏā huwa zāhiq. Nite‑kim Aḫbār‑i // ḫulefāda gelmişdür: [Ḥikāyet‑i Civān] Ḥikāyet ü rivāyet olunur ki edyān‑i // bāṭıladan beş nefer cühelā biri Cehūd ve biri Gebr ve biri // Senevī ve biri Bāṭınī ve biri Tersā ḫulefāʾ‑i Benī ʿAbbās // dan emīrü l‑muʾminīn El‑Vās̱iq Billāh öñünde cemʿ oldılar. // Ve ʿulemāʾ‑i ehl‑i islāmdan bir civān‑i māhir ol meclisde ḥāżır // bulınub Vās̱iq Billāh civāna buyurdı‑ki: Bu Cehūda dīnlerine // müteʿalliq suʾāl eyle görelüm andan cevāba mecāl olur mı // Suḫan‑Guftan bā‑Cahūd Civān‑i fāżıl Cehūd‑i cāhile müteveccih // olub dėdi‑ki: Yā ayyuhā l‑Yahūd niçün nübüvvet‑i ḥażret-i Muḥammed ʿaleyhi // s‑selāmı inkār ve inkāruñuzda ıṣrār ėdersüz? Cehūd‑i ʿanūd |